Գլխավոր էջ

04.07.19 ՀԱՅՏԱՐԱՐՈՒԹՅՈՒՆ

Տաթևի համայնքապետարանը հայտարարում է մրցույթ՝ համայնքապետարանի աշխատակազմի հետևյալ թափուր պաշտոնները զբաղեցնելու ԱՇԽԱՏԱԿԱԶՄԻ ԱՌԱՋԱՏԱՐ ՄԱՍՆԱԳԵՏ (ծածկագիր՝ 3.1-2)Նշված թափուր պաշտոնն զբաղեցնելու համար պահանջվում է ունենալ՝1)Առնվազն միջնակարգ կրթություն.2) Հայաստանի Հանրապետության Սահմանադրության, «Համայնքային ծառայության մասին», «Տեղական ինքնակառավարմանմասին» Հայաստանի Հանրապետության օրենքների, աշխատակազմի կանոնադրության և իր լիազորությունների հետ կապված այլիրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելուունակություն.3)Համակարգչով և ժամանակակից այլ տեխնիկական միջոցներով աշխատելու ունակություն:Իրականացնում ... Մանրամասն

07.05.19 ՏԱԹԵՎ ՀԱՄԱՅՆՔԻ ՂԵԿԱՎԱՐԻ ՀՅՈՒՐԵՐԸ ՊԱՏԱՆԻ ՉԵՄՊԻՈՆՆԵՐՆ ԷԻՆ

Մայիսի 7֊ին Տաթև համայնքի ղեկավար Մուրադ Սիմոնյանը հյուրընկալել էր Հայաստանի շոտոական մարտարվեստի ազգային ֆեդերացիայի W. S. K. F. - Armenia կարատեի 12֊րդ առաջնության ոսկե և բրոնզե մեդալակիրներ, հարժիսեցի Միլենա Հարությունյանին և Ղուկաս Ղուկասյանին։
Շնորհավորելով պատանի մարզիկներին՝ համայնքի ղեկավարը նշեց, որ հպարտ է նման մարզիկներ ունենալու համար և պատրաստ է հնարավորինս օժանդակել մարզիկներին հետագայում։
Վերջում համայնքի ղեկավարը խրախուսական նվերներ հանձնեց պատանի կարատեիստներին և նրանց մարզչին՝ ցանկանալով նոր բարձրունքների նվաճում։

06.05.19 ՀԱՅՏԱՐԱՐՈՒԹՅՈՒՆ

Տաթև համայնքի հարգելի՛ բնակիչներ,
Տաթևի համայնքապետարանը տեղեկացնում է, որ մայիսի 7-ին` ժամը 15։00-ին, Տաթևի համայնքապետարանում տեղի կունենա համայնքի սոցիալ-տնտեսական ենթակառուցվածքների զարգացմանն ուղղված՝ 2019թ․ իրականացվելիք սուբվենցիոն ծրագրի նպատակահարմարության վերաբերյալ հանրային լսում։

04.05.19 ՍՅՈՒՆԻՔԻ ՄԱՐԶՊԵՏ ՀՈՒՆԱՆ ՊՈՂՈՍՅԱՆԸ ՏԱԹԵՎ ՀԱՄԱՅՆՔՈՒՄ ԷՐ

Մայիսի 3-ին Սյունիքի մարզպետ Հունան Պողոսյանը Տաթեւ համայնքում էր, որտեղ ընդունել է համայնքի տարբեր բնակավայրերի բնակիչների, լսել նրանց հուզող հարցերը:
Տաթեւ համայնքի կենտրոն Շինուհայրում՝ Հունան Պողոսյանը այցելել է բազմազավակ՝ 12 երեխա ունեցող Մարդյանների ընտանիք, որը վերանորոգման կարիք ունի, եղել է Շինուհայրի մանկապարտեզում, որն անմխիթար վիճակում է և որի վերանորոգման ծրագիրն այս տարի ընդգրկվել է պետբյուջեի համաֆինանսավորմամբ համայնքներում իրականացվելիք սուբվենցիոն ծրագրերի շարքում:
Մարզպետն այցելել է նաեւ Տաթեւի ճոպանուղու «Հալիձոր» կայարանի տարածք՝ քննարկելու մայիսի վերջին կայանալիք «Իմ քայլը հանուն Սյունիքի մարզի» բիզնես-ֆորումի կազմակերպմանն առնչվող հարցեր:

01.05.19 ՏԱԹԵՎ ՀԱՄԱՅՆՔԻ ՂԵԿԱՎԱՐ ՄՈՒՐԱԴ ՍԻՄՈՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՇԽԱՏԱՆՔԻ ՕՐՎԱ ԿԱՊԱԿՑՈՒԹՅԱՄԲ

Հարգելի՛ հայրենակիցներ,

Շնորհավորում եմ ձեզ Աշխատանքի օրվա՝ մայիսի 1-ի կապակցությամբ:

Համաշխարհային նշանակություն ստացած այս տոնը կոչված է փառաբանելու աշխատանքն ու աշխատավորին, պաշտպանելու աշխատավորների իրավունքները:

Հայի ստեղծագործ մտքի ու արարող ձեռքի արգասիքը կարելի է տեսնել աշխարհի բոլոր չորս կողմերում:Մեր աշխատանքով պետք է Հայաստանը քայլի ժամանակին համընթաց՝ յուրացնելով ոչ միայն նորարարությունները, այլև աշխատանքի կազմակերպման և աշխատավորների իրավունքների պաշտպանության ամենաառաջադիմական ձևերն ու չափանիշները:
Վստահ եմ, որ մենք շարունակելու ենք Հայաստանի շենացման մեր վերընթաց ուղին: Մաղթում եմ բոլորիս խաղաղ ու ստեղծագործ աշխատանք` հանուն մեր ընտանիքների բարեկեցության և մեր երկրի անխափան զարգացման:

30.04.19 «ԳԱՍՏՐՈ ԲԱԿ» ՆԱԽԱԳԾԻ ԻՐԱԿԱՆԱՑՄԱՆ ՄՐՑՈՒՅԹ

<<Գաստրո բակ>> նախագծի նպատակն է նպաստել գյուղական համայնքներում զբոսաշրջության ծառայությունների դիվերսիֆիկացմանը, զարգացմանը և խթանմանը: Այն ստեղծում է բազային զբոսաշրջային ծառայություններ՝ հիմնվելով գյուղական սեփական տնային տնտեսությունների վրա: «Գաստրո բակ» նախագիծը ներառում է հետևյալ համալիր ծառայությունները՝ ավանդական սննդի տրամադրում, տնական գինեգործություն և արհեստագործություն:

Մրցույթին մասնակցելու համար անցնել հետևյալ հղումով՝ http://form.jotform.me/90964428449470

29.04.19 <<ԵՐԳՈՂ ՀԱՅԱՍՏԱՆ>> ԵՐԱԺՇՏԱԿԱՆ ՄՐՑՈՒՅԹՈՒՄ ՇԻՆՈՒՀԱՅՐԻ ԵՐԱԺՇՏԱԿԱՆ ԴՊՐՈՑԻ ԹԻՄԸ ՀԱՋՈՐԴ ՓՈՒԼՈՒՄ Է

Սույն թվականի ապրիլի 26-ին կայացավ <<Երգող Հայաստան>> մրցույթի առաջին փուլը, որտեղ Շինուհայրի երաժշտական դպրոցի սաները փայլուն ելույթի շնորհիվ հաջորդ փուլում են։
Հաջողություն մաղթենք երաժշտական դպրոցի տաղանդավոր սաներին մրցույթի հետագա փուլերում։

26.04.19 ՀԱՅՏԱՐԱՐՈՒԹՅՈՒՆ

Տաթևի համայնքապետարանը հայտարարում է մրցույթ հետևյալ թափուր պաշտոնները զբաղեցնելու համար՝ ԱՇԽԱՏԱԿԱԶՄԻ ԳԼԽԱՎՈՐ ՄԱՍՆԱԳԵՏ (ծածկագիր՝ 2.3-1)Նշված թափուր պաշտոնն զբաղեցնելու համար պահանջվում է ունենալ՝ 1)Բարձրագույն կրթություն, համայնքային ծառայության կամ պետական ծառայության պաշտոններում առնվազն երկու տարվա ստաժ կամ վերջին երեք տարվա ընթացքում քաղաքական կամ հայեցողական կամ քաղաքացիական պաշտոններում առնվազն մեկ տարվա աշխատանքային ստաժ կամ վերջին ութ տարվա ընթացքում համայնքի ավագանու անդամի աշխատանքային գործունեության առնվազն երկու տարվա փորձ կամ առնվազն երեք տարվա մասնագիտական աշխատանքային ստաժ: 2)Հայաստանի Հանրապետության Սահմանադրության, «Համայնքային ծառայության մասին», ... Մանրամասն

1 2 3 4 5 6 7 8 9 10


	ՀՀ ՍՅՈՒՆԻՔԻ ՄԱՐԶԻ ՏԱԹԵՎԻ ՀԱՄԱՅՆՔԱՊԵՏԱՐԱՆ