| Նպատակ | Պլանավորումը ցանկացած համակարգի կանոնակարգված, արդյունավետ գործունեության գրավականն է: Խոշորացված համայնքը մեր իրականության մեջ նոր տիպի կառույց է, գործունեության կազմակերպման և պլանավորման նոր մոտեցումներով: Տեղին է նշել, որ աղբահանության և սանիտարական մաքրման կառավարման պլանի կազմումը և իրականացումը համայնքի կայուն զարգացման համար անհրաժեշտ, բայց դեռևս ոչ բավարար պայմանն է: Այստեղ առանցքային նշանակություն ունի մարդկային գործոնը, մասնավորապես՝ համայնքապետարանի աշխատակազմի կողմից ամենօրյա հասցեական աշխատանքը, ինչպես նաև փոխվստահության և նպատակների ընդհանրության վրա հիմնված՝ ՏԻՄ-հասարակություն համախմբումը:
Աղբահանության և սանիտարական մաքրման կառավարման պլանի կազմումը նախատեսում է կանոնակարգել Տաթև համայնքի բնակավայրերում գոյացող աղբի հավաքման, տեղափոխման, պահպանման, տեղադրման (հեռացման), վերամշակման ու օգտագործման գործընթացների պլանավորումը և մշտադիտարկումը, սահմանել աղբահանության և կոշտ թափոնների արդյունավետ կառավարման համար չափորոշիչները։
Պլանի մշակումը նպատակաուղղված է աղբահանության և կոշտ թափոնների կառավարման ինտեգրված համակարգում Տաթև համայնքի բոլոր բնակավայրերի ընդգրկմանը, աղբահանության ծառայությունների որակի գնահատման մեխանիզմների և ծառայությունների մատուցման ընթացքում վերահսկողության և մշտադիտարկման համակարգերի ներդրմանը։ |