Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով, «Տեղական տուրքերի և վճարների մասին» Հայաստանի Հանրապետության օրենքի դրույթներով, հիմք ընդունելով Հայաստանի Հանրապետության Սյունիքի մարզի Տաթև համայնքին «ԱՊՐԵԼՈՒ» բարեգործական հիմնադրամի կողմից գույք նվիրաբերելու մասին 2022 թվականի հուլիսի 1-ի պայմանագիրը, համաձայն համայնքի ղեկավարի առաջարկության, որոշման նախագծի կողմ- , դեմ- , ձեռնպահ- քվեարկության արդյունքներով, ավագանին որոշում է. 1. Հայաստանի Հանրապետության Սյունիքի մարզի Տաթև համայնքի ավագանու 2021 թվականի դեկտեմբերի 16-ի N 60-Ա որոշման վերնագրում «Մատուցվող» բառից հետո լրացնել «Ծառայությունները և մատուցվող» բառերը և որոշման համարի վերջին «Ա» մեծատառը փոխարինել «Ն» մեծատառով:
2. Որոշման հավելվածը լրացնել նոր՝ 7-րդ կետով.
Տրանսպորտային միջոցի շահագործման ծախսերի փոխհատուցում:
3. Սույն որոշումն ուժի մեջ է մտնում նվիրաբերված «MERCEDES-BENZ SPRINTER 515 CDI» մակնիշի (թողարկման տարեթիվը՝ 2008թ․, գույնը՝ սպիտակ, հաշվառման համարանիշը՝ 574CL61б նույնացման համարը՝ WDB9066551S314060) տրանսպորտային միջոցը տրանսպորտային միջոցը Տաթև համայնքի գույքի ցանկում ընդգրկելու մասին Տաթև համայնքի ավագանու 2022 թվականի սեպտեմբերի 9-ի՝ «Հայաստանի Հանրապետության Սյունիքի մարզի Տաթև համայնքի ավագանու 2022 թվականի մարտի 15-ի «Հայաստանի Հանրապետության Սյունիքի մարզի Տաթև համայնքին սեփականության իրավունքով պատկանող գույքի ամենամյա գույքագրման փաստաթղթերի հաստատման մասին» թիվ 11-Ա որոշման մեջ փոփոխություններ և լրացումներ կատարելու մասին N ----Ա որոշումը ուժի մեջ մտնելուց անմիջապես հետո։ |