Զեկ. ՄԱՐԱՏ ԳԵՐԱՍԻՄՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35 հոդվածի 1-ին մասի 8-րդ կետով, Հայաստանի Հանրապետության Քաղաքացիական օրենսգրքի 63 հոդված 1-ին մասով, 64 հոդվածով, «Պետական ոչ առևտրային կազմակերպությունների մասին» Հայաստանի Հանրապետության օրենքի 9 հոդվածի 5-րդ մասով,  և  հիմք ընդունելով Հայաստանի Հանրապետության կառավարության 2002 թվականի դեկտեմբերի 26-ի «Հայաստանի Հանրապետության նախադպրոցական ուսումնական հաստատություն» համայնքային ոչ առևտրային կազմակերպության օրինակելի կանոնադրությանը հավանություն տալու մասին» թիվ 54 արձանագրային որոշումն ու նկատի ունենալով համայնքի ղեկավարի առաջարկը, որոշման նախագծի քվեարկության արդյունքներով՝   կողմ-8,  -դեմ-0 ,  ձեռնպահ -0 , ավագանին որոշում է՝

1․Հայաստանի Հանրապետության Սյունիքի մարզի Տաթև համայնքին միավորված նախկին Հարժիս, Խոտ, Հալիձոր, Շինուհայր բնակավայրերի նախադպրոցական ուսումնական հաստատությունները միացման ձևով վերակազմակերպել Տաթև համայնքի նախադպրոցական ուսումնական հաստատության հետ:

2․Հայաստանի Հանրապետության Սյունիքի մարզի Տաթև համայնքի <<Հալիձոր գյուղական համայնքի նախադպրոցական ուսումնական հաստատություն>> (պետ. գրանցման համար՝ 03Ա988616), <<Սյունիքի մարզի Հարժիս գյուղի նախադպրոցական հաստատություն>> (պետ․ գրանցման համար՝ 03Ա071691), <<Սյունիքի մարզի Շինուհայրի նախադպրոցական ուսումնական հաստատություն>> (պետ․ գրանցման համար՝ 03Ա071993) <<Սյունիքի մարզի Խոտի նախադպրոցական հաստատություն>> (պետ․ գրանցման համար՝ 03Ա080905)   համայնքային ոչ առևտրային կազմակերպությունները միացման ձևով վերակազմակերպել՝ միացնելով Հայաստանի Հանրապետության Սյունիքի մարզի «Տաթև համայնքի նախադպրոցական ուսումնական հաստատություն» համայնքային ոչ առևտրային կազմակերպությանը (պետ. գրանցման համար՝ 03Ա107436 ) և հաստատել կանոնադրությունը՝ համաձայն հավելվածի:

3․Սահմանել, որ Հայաստանի Հանրապետության Սյունիքի մարզի «Տաթև համայնքի նախադպրոցական ուսումնական հաստատություն» համայնքային ոչ առևտրային կազմակերպություններին են անցնում միացված իրավաբանական անձանց իրավունքներն ու պարտականությունները՝ փոխանցման ակտի համաձայն:

4. Համայնքապետարանի աշխատակազմի քարտուղարի ժամանակավոր պաշտոնակատարին՝ ապահովել սույն որոշումից բխող ՀՀ օրենքով սահմանված գուրծառույթների իրականացումը:

5․ Սույն որոշումն ուժի մեջ է մտնում պաշտոնական հրապարակման հաջորդող օրվանից։