Ղեկավարվելով՝ «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ կետով, Հայաստանի Հանրապետության հողային օրենսգրքի 3-րդ հոդվածի դրույթներով, համաձայն Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշման, հիմք ընդունելով Հայաստանի Հանրապետության Սյունիքի մարզպետի «Հայաստանի Հանրապետության Սյունիքի մարզի Տաթև համայնքի «Սյունիք 7» համակցված տարածական պլանավորման փաստաթղթերի նախագիծը հաստատելու մասին» 2024 թվականի հոկտեմբերի 4-ի N 369-Ա որոշումը, հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված Հայաստանի Հանրապետության համայնքների քաղաքաշինական փաստաթղթերի մշակման աշխատանքները համակարգող միջգերատեսչական հանձնաժողովի 2025 թվականի հունվարի 27-ի N 2/փ-30 եզրակացությունը, հաշվի առնելով համայնքի ղեկավարի առաջարկությունը, որոշման նախագծի քվեարկության արդյունքներով՝ կողմ-9 , դեմ-0 , ձեռնպահ-9, ավագանին որոշում է. 1. Հայաստանի Հանրապետության Սյունիքի մարզի Տաթև համայնքի Սվարանց բնակավայրի համակցված տարածական պլանավորման փաստաթղթում կատարել փոփոխություն, ըստ որի համայնքի վարչական տարածքի, Տաթև համայնքի Սվարանց բնակավայրի սահմաններում գտնվող համայնքային սեփականություն հանդիսացող «Գյուղատնտեսական» նպատակային նշանակության 3(երեք) միավոր ընդհանուր 3.43566 հա մակերեսով հողամասերը, որից՝ 2.36771 հա վարելահող(կադաստրային ծածկագիր՝ 09-085-0101-0001), 1.04236 հա վարելահող(կադաստրային ծածկագիր՝ 09-085-0001-0001) և 0.02559 հա այլ հողատեսք(կադաստրային ծածկագիր՝ 09-085-0001-0004), փոխադրել «Բնակավայրերի» նպատակային նշանակության կատեգորիա «Բնակելի կառուցապատման» գործառնական նշանակության՝ թվով 20(քսան) հատ բնակելի տան կառուցման(ներառյալ տների սպասարկման գոտիները) նպատակով:
2․ Համայնքի ղեկավարին` ձեռնարկել սույն որոշումից բխող գործառույթների իրականացումը:
3․ Սույն որոշումը ուժի մեջ է մտնում՝ որոշումն ընդունելու հաջորդող օրվանից։ |