Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 29-րդկետով, Հայաստանի Հանրապետության հողային օրենսգրքի 3-րդ հոդվածի և 75-րդ հոդվածի դրույթներով, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ սահմանված կարգի 38-րդ կետի դրույթներով, հաշվի առնելով Հայաստանի Հանրապետության Սյունիքի մարզպետի 2024 թվականի մարտի 15-ին Տաթև համայնքի ղեկավարին ուղղված N01/05/02046-2024 գրությունը, հիմք ընդունելով Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2024 թվականի մայիսի 7-ի N28 դրական եզրակացությունն ու համայնքի ղեկավարի առաջարկությունը, որոշման նախագծի քվեարկության արդյունքներով՝ կողմ- , դեմ- , ձեռնպահ- , ավագանին որոշում է.
1. ՀՀ Սյունիքի մարզի Տաթև համայնքի Շինուհայր բնակավայրի հողերի օգտագործման ժամանակավոր սխեմայում, համաձայն հավելվածի կատարել փոփոխություն և համայնքային սեփականություն հանդիսացող գյուղատնտեսական նշանակության 0.1950 հեկտար այլ հողատեսքը (կադաստրային ծածկագիր՝ 09-073-0101-0001-ից) փոխադրել «էներգետիկայի, կապի, տրանսպորտի և կոմունալ ենթակառուցվածքների օբյեկտների հողերի» կատեգորիա «Կապի օբյեկտների հողեր» գործառնական նշանակությամբ:
2․ Սույն որոշման 1-ին կետում նշված գույքի նկատմամբ որպես՝ «էներգետիկայի, կապի, տրանսպորտի և կոմունալ ենթակառուցվածքների օբյեկտների հողերի» կատեգորիա «Կապի օբյեկտների հողեր» գործառնական նշանակությամբ պետական գրանցում ստանալուց հետո՝ 0.1950 հեկտար հողամասը անհատույց օգտագործման իրավունքով տրամադրել «Հայաէրոնավիգացիա» ՓԲ ընկերությանը Ռադիոնավիգացիոն VOR/DME համակարգի տեղադրման համար։
3. Համայնքի ղեկավարին` ձեռնարկել սույն որոշումից բխող գործառույթների իրականացումը:
4․ Սույն որոշումը ուժի մեջ է մտնում՝ որոշումն ընդունելուն հաջորդող օրվանից։ |